FILAMU YA SPECIAL FOR YOU SASA MITAANI KUPITIA KWA SSG

Kampuni ya SSG DISTRIBUTORS kusambaza filamu ya Special for you nchi nzima akiongelea filamu hiyo Mkurugenzi mkuu wa kampuni ya SSG iliyopewa dhamana ya kusambaza filamu hiyo alisema filamu hiyo itaingia sokoni Jumatatu tarehe 20Th June 2011. Miezi kadhaa iliyopita Mshindo alinukuliwa akisema sasa kampuni yake haitosambaza tena filamu na badala yake itakuwa ikitayarisha tu na jukumu la kusambaza litakuwa chini ya kampuni ya Steps Entertainment.

Mwandishi wa habari hizi alipotaka kujua sababu za SSG kusambaza wenyewe filamu hii alisema wamelazimika kufanya hivi ili kukata kiu ya washabiki wao ambao walikuwa wakisumbua kupiga simu mara kwa mara kuhoji ni kwanini hawaoni filamu mpya iliyoandaliwa na SSG. Mshindo aliendelea kusema kutokana na ratiba ya Steps inaonyesha filamu zilizotayarishwa na SSG zitaanza kutoka kati ya September na October
.

Mshindo Jumanne Latifa Idabu wakibusiana.

“Ratiba inaonyesha kuwa filamu zangu zitasambazwa miezi hiyo niliyosema hivyo nimeona ni mbali sana kwa washabiki wangu kuendelea kusubiri mpaka muda huo ndipo nikaonana na Uongozi wa Kampuni ya Steps unipe ruhusa nisambaze mwenyewe filamu yangu angalau moja na nashukuru wamenielewa na wamenipa support kubwa katika kufanikisha zoezi hilo” Anasema Mshindo. Filamu ya Special for you itakuwa ni filamu ya kwanza iliyoandaliwa na Mshindo kutoka mwaka huu baada ya Ushuhuda wa Mariam iliyotoka mwishoni mwa mwaka jana na ijapokuwa mwanzoni mwa mwaka huu ilivuma SSG ingetoka na filamu ya MTANDAO lakini filamu hiyo ndiyo ilikuwa ya kwanza kudakwa na Kampuni ya STEPS Entertainment.
Akizungumzia ujio huo mpya wa filamu ya Special for you Mshindo alisema ni filamu bora kuliko filamu zake zote alizowahi kutoa ambapo picha zake zimepigwa katika maeneo ya Kilombero Morogoro na Dar es salaam.
Baadhi ya washiriki wanaopatikana katika filamu hiyo mpya ni Hashim Kambi, Deogratius Shija, Niva, Zamda Mwera, Bi Zuki, Rashid Yussuph, Mshindo Jumanne mwenyewe na wasanii wengine wengi wanaofanya vizuri kwa sasa.
Mshindo amewataka mawakala wote wa mikoani na Dar es salaam ambao wangependa kuuza Filamu hiyo wawasiliane naye kupitia namba 0658 420400, 0768 686634, 0786 420400 na 0773 410420.